ጀኔቫ – ውድብ ጥዕና ዓለም፡ ሕቡራት መንግስታት ኣመሪካ ካብቲ ውድብ ክትወጽእ መደብ ከምዘለዋ ምግላጹ የሕዝኖ።
ዳይረክተር ውድብ ጥዕና ዓለም ዶር ቴድሮስ ኣድሓኖም ኣብ ሊንከዲን ገፆም ከም ዝገለፅዎ ውድብ ጥዕና ዓለም ንመሰረታዊ ጠንቂ ሕማማት ብምፍታሕ፡ ዝሓየለ ስርዓተ ጥዕና ብምህናጽ፡ ከምኡ’ውን መብዛሕትኡ ግዜ ኣብ ሓደገኛ ቦታታት ንዝፍጠሩ ለበዳ ሕማማት ሓዊሱ ንህጹጽ ኩነታት ጥዕና ብምፍላጥ፡ ንምክልኻልን ምላሽ ብምሃብን ኣመሪካውያን ሓዊሱ ንጥዕናን ድሕነትን ህዝቢ ዓለም ኣብ ምሕላው ወሳኒ ተራ ይጻወት። ካልኦት ክኸዱ ዘይክእሉሉ። ኣመሪካ ኣብ 1948 መስራቲት ኣባል ውድብ ጥዕና ዓለም ኮይና፡ ካብ ሽዑ ጀሚራ ድማ ምስ ካልኦት 193 ኣባላት ሃገራት ኮይና፡ ኣብ ባይቶ ጥዕና ዓለምን ፈጻሚ ቦርድን ንጡፍ ተሳትፎኣ ሓዊስካ፡ ንስራሕ ውድብ ጥዕና ዓለም ኣብ ምቕራጽን ምምሕዳርን ተሳቲፋ’ያ። ንልዕሊ ሸውዓተ ዓሰርተታት ዓመታት ውድብ ጥዕና ዓለምን ኣሜሪካን ማእለያ ዘይብሉ ህይወት ኣድሒነን ኣሜሪካውያንን ንኹሉ ህዝብን ካብ ሓደጋታት ጥዕና ምክልኻልን እየን። ብሓባር ንሕማም ፍንጣጣ ኣቋሪጽናዮ፡ ብሓባር ድማ ፖልዮ ኣብ ኣፍደገ ምጥፋእ ኣእቲናዮ ኣለና። ትካላት ኣሜሪካ ኣብ ውድብ ጥዕና ዓለም ኣባልነት ኣበርክቶ ገይረንን ተጠቀምቲ ኮይነን እየን። ውድብ ጥዕና ዓለም ብተሳትፎ ኣመሪካን ካልኦት ኣባላት ሃገራትን ኣብ ዝሓለፉ 7 ዓመታት ኣብ ታሪኹ ዝዓበየ ስብስብ ጽገናታት ኣተግቢሩ፣ ተሓታትነትና፣ ውጽኢታዊነት ወጻኢታትን ጽልዋናን ኣብ ሃገራት ንምቕያር። እዚ ስራሕ እዚ ይቕጽል ኣሎ። ኣመሪካ ዳግማይ ክትሓስበሉ ተስፋ ንገብርን ኣብ መንጎ ኣመሪካን ውድብ ጥዕና ዓለምን ዘሎ ሽርክነት ንምዕቃብ ሃናጺ ዘተ ክንሳተፍ ብሃንቀውታ ንጽበ፣ ንረብሓ ጥዕናን ጽቡቕ ሂወትን ሚልዮናት ሰባት ኣብ መላእ ዓለም።
